कामको खोजीमा नेपाली महिला इराक पनि पुगे

वैदेशिक रोजगारीको लागि नेपालबाट अन्य मुलुकहरुमा महिला कामदारको रुपमा काम गर्न जाने क्रम तिब्र भइरहेको बेला नेपाल सरकारबाट कुनै पनि कामदारलाई जानबाट प्रतिबन्ध लगाएको मुलुक इराकमा गत २७ फेव्रुअरीका दिन २ नेपाली महिला कामदार आइपुगेका छन् ।
२६ फेव्रुअरीका दिन काठमाडौंबाट दुबई हुँदै उनीहरु इराक आएको कुरा नेपालीपोष्टसँगको भेटमा उनीहरुले बताए । इराकमा राम्रो तलब छ अनि सुविधाहरु प्रशस्त मात्रमा पाइन्छ र काम पनि धेरै गर्नु पर्दैन भनेर आफूहरु इराक आइपुगेको कुरा पनि उनीहरुले बताए ।
नाम उल्लेख गर्न नचाहने धादिङ घर बताउने ती नेपाली महिलालाई नेपालबाट इराक काम गर्न आउन प्रतिबन्धित मुलुक हो नि थाहा छ भन्दा ती महिलाले मेरो साथीको आफ्नो मान्छे यहाँ पहिले नै आउनुभएको र उहाँले नै बोलाएर आफूहरु इराक आइपुगेको कुरा नेपालीपोष्टसँगको भेटमा ती महिलाले बताइन्